اخبار

Egypt Today Notizie in tempo reale

Ancora pugno di ferro dal governo egiziano contro i manifestanti del 25 aprile, dieci egiziani che in aprile hanno partecipato alle manifestazioni per protestare contro il governo per la "vendita" delle due isole egiziane nel Mar Rosso, Tiran e Sanafir ("due luoghi strategici per la sicurezza del Paese"), all'Arabia Saudita

الثلاثاء، 28 أغسطس 2007

نظرة بالعاميه لموسم الهجوم علي فضيله المفتي علي جمعه


نظره عامية


فضيلة المفتي علي جمعه مش عاجب حد ولا ليبرالين ولا سلفيه ووهابية ولا يسار ولا يمين

وناس شغلها الشاغل فضيله المفتي ومهاجمته


ولو مفيش جديد في اقواله يدورا في القديم لعلهم يجدوا ما لا يعجبهم
وكل كلمه يقولها ولو تعبير عن شئ تخرج علينا الجرائد ومنشتطها ويقولوا المفتي قال
ولو كح كحه معجبتهمش يا ويل الشيخ منهم وكحته اللي مش علي الهوي
عملوا سجلات وكتبوا فضايح وهما غلابه يا ناس
كلامهم كله مهاترات وسفسطات وغباء× غباء
وكانه قتل احفادهم وشرد ابناءهم
وكل من تكلم بمهاتره عن فضيله المفتي
هو عن العلم ببعيد وعايش في عصر الطحين البعيد
وخلوني اقولها صريحه لكل تعصبي مهاتر
طالما مش عاجب الكل يبقي هو الصحيح
لان كل ردودهم مصالح وان كانت سياسية
بل وايضا شخصية وليست ابدا دينية
وطالما مبيخدمش مصالحهم
يقولوا عليه عالم السلطه
قال ايه لازم يكون زيهم وماشي في تيارهم الغبي
علشان يكون علي هواهم لازم يكون واحد منهم
وكلهم زي ما قلنا اغبية عن العلم هم ببعيد
وفي عالم الطحين عايشين وده عالم يطل علينا من بعيد
وتشوف يا خويا ما يدعوا انهم سلفين كل همهم علي جمعه وكلامه
حتي ولو مش فتوي كان كلامه عن مساله كلام عادي
تلاقيهم ناطين ومعاهم باقي عالم الطحين
لانهم من عالم الطحين فهم من الحفاظ مش من الفاهمين
من الناقلين كوبي وبست ومدعين علم العالمين
بعد فتوي التماثيل العلمانيين واللبرالين علقوله المشانق
وفي فتوي بول الحبيب عليه الصلاه والسلام
طلعوا علينا السلفين باراء تهين
النبي الكريم قبل فضيله مفتي المسلمين
وفي فتوي الختان طلعوا باراء مكنتش علي هواهم
قبل الفتوي وكانوا ضد الحديث الضعيف حتي في فضائل الاعمال
دلوقتي بقوا بيستدلوا بيه علي فرض عين
علي واجب علي نساء المسلمين
ونسوا ان الطب قال كلمته وان الاحاديث من باب الضعيف
وان الرسول الكريم لم يذكر وجوبه او حتي اشار اليه
او حتي قال لبناته الكرام وجب عليكم الختان!!!!
استدلوا باراء من زمان لما كان الطب عباره عن مشرط
وبحر من الالام
قال رايه وبصراحه ومهموش من مهاجمه الغوغاء
دلوقتي بقي ختان الاناث عندهم من الفروض وقاعده من قواعد الاسلام
وبكده غلط فضيله المفتي ولازم يتشتم ويتهان من مهاترين الزمان
نسوا مجالاته الجمه في خدمه الاسلام
ومحدش مره بص علي اعماله ومساعده الاسلام
ونشره العلم وفتاوية وردوده علي النصاري والعلمانين وكفار الزمان

بس هما نسوا ان فضيله المفتي حفظه الله وحماه
انه مش بيفرق معاه كلام الغوغاء ومهاترين هذا الزمان
وقالها لمحمود سعد في برنامجه من زمان
مش هسمح لحد من الغوعاء انه يجرني في مشاكل هامشيه
واسيب مشاكل المسلمين المهمه
ليست من الفروض ولا من الامور التي تبني وتهدم الاسلام

ولا حد سمع ولا حد فهم من الغوغاء وفضلوا زي ما هما
عملهم تشريد الاسلام وتفتيت وحده المسلمين
وبث الكره في نفوس المسلمين تجاه بعضهم البعض

والغريب ان كل من رد علي فضيله المفتي تراهم يملكون
كميه من الفتاوي والاساطير اسمحولي اقول هبله
وبالجمله!!!!!!!

ونسوا انه في قانون لو استخدمه المفتي هيخليهم يبيعوا عفش بيوتهم
كل واحد قال عليه كلمه بقضيه صغيره هيكسبها لان الشتميه اهانه
وقانون مصر حرمها ومن قبله طبعا ديننا
ولكن لكرم اخلاقه وهدؤ اعصابه وحبه للاسلام
والمسلمين والبعد عن مشاكل تفتت شمل المسلمين
جلس هادئ وما زال يخدم هذا الدين
حفظك الله يا مولانا يا فضيله مفتي المسلمين
من كلام الغوغاء والمهاترين ومحبي زرع الفتنه بين المسلمين
وجمعنا معك في جنات النعيم


www.alimaklad.blogspot.com
ali maklad
علي مقلد

ليست هناك تعليقات: